Фестивалот на инклузија е вистински пример за тоа како на вистински начин сите со многу мал придонес можеме да направиме многу за ова општество да стане поприфатливо за сите.

Сакам најпрво од срце да им се заблагодарам за хуманитарната мисија, за нивната искрена љубов кон лицата со попреченост и за тоа што несебично придонесуваат сите да имаат еднакви можности. Продолжете со оваа работа, а мојата поддршка ќе ја имате засекогаш.

Единствено нешто што општеството го движи напред е позитивната енергија и позитивната промена, меѓутоа таа позитивна промена мора да дојде од секој еден од нас. Сите поедино да ја менуваат својата средината, својот микрокосмос и од таму да создадеме многу поотворено и подобро општество.

Убаво си поминав и ги поздравувам сите пеачи.

Иако не настапувам за прв пат пред оваа публика, сепак чувството е секогаш исто. Искрениот пристап, искрените очиња полни со сјај будат чувство на мир, спокој и слобода што заокружува љубов со големо Љ.

Воспитајте го своето дете наместо да се гледа со озарени очи на лицата кои се различни од нив, напротив да прегрне, да сака безусловно и да го прифати секој еден кој е различен од него како да е ист, односно како да е свој, како својот брат, како своите родители.

Замислете место со вклучена инклузија, многу љубов, шарени бои, музика за сите генерации и активности за најмладите. Токму тоа, за мене е Фестивалот на инклузија.

Јас сум многу среќна да гледам како сме сите заедно тука собрани и се надевам дека фестивали како овој ќе има се повеќе и ќе продолжи да се случува секоја година како доказ дека различностите не треба да не делат, баш напротив да не спојат сите заедно.