Изложбата на 100 детски цртежи на тема „Ги сакам сите животни“ креирани од ученици од 10 основни училишта од Општините - Аеродром, Кисела Вода и Центар. Од 13 јуни 2025г. од 13 часот, ќе можете да ги погледнете сите цртежи кои ќе го разубавуваат Паркот Македонија.
„Искуси уметност“ е иницијатива спроведувана во соработка со Музејот на современата уметност. На 13 јуни, со почеток од 13:00 часот, водени тури низ музејските поставки за сите љубители на уметноста - искуство кое ќе овозможи уживање во уметноста и на лица со оштетен слух, поддржани од толкувач на знаковен јазик, како и за лица со оштетен вид и лица со физичка попреченост.
inFusion Базар – Активизам и култура ќе се одржува од 12 до 14 јуни 2025 година, во Паркот Македонија (Општина Кисела Вода) и има за цел да обедини креативци од заедницата на лица со попреченост, општествено одговорни организации и локални бизниси. Посетителите ќе имаат можност да уживаат во промоција на уникатни рачни изработки, уметнички дела, органски производи и инспиративни иницијативи. Дводневниот базар ќе понуди широка платформа на култура, активизам и автентично изразување, поттикнувајќи креативно изразување во насока на позитивни општествени промени.
Преку креативната и интегративна работилница „Шарена чајанка“ која ќе се одржи на 13 јуни од 14:00 часот, децата и младите од 10 до 18 години ќе имаат можност заедно да цртаат и украсуваат посатки и да го разбудат својот уметнички дух. Работилницата поттикнува соработка меѓу млади со и без попреченост, создавајќи инклузивен простор за дружење, размена на идеи и нови пријателства низ прекрасната природа на Паркот Македонија.
Соединување, поврзување, ФУЗИЈА.
Овие поими ќе ги спојат младите уметници кои ќе ги разменат своите идеи, чувства и перспективи преку јазикот на визуелната уметност, во рамки на „Фузија“ – изложба на млади уметници кои на 13 јуни од 16 часот ќе се обединат во Паркот Македонија со своите идеи и визии преку моќта на соединувањето и фузијата.
Здружението Икуалити, во соработка со платформата Допирна точка ќе им пружат можност на учесниците, водени од искусни ментори, да создадат заеднички мурал кој ќе претставува симбол на заедништвото. На 13 јуни во Паркот Македонија (Општина Кисела Вода), од 17 до 19 часот, работејќи во интегративна група, младите со и без попречеост ќе имаат можност преку заедничко творење да ги развијат своите способности за креативно изразување.
Родителите на лица со попреченост 24/7 се во мисија да надминуваат архитетонски, психолошки, бирократски бариери. И дома, и на улица и во институциите.
Како ги надминуваат и какви решенија наоѓаат сами за да решат проблем за чие решение инаку би требало да се грижат институциите или системот?
Одговорите ќе ги побараме на 13 јуни од 17 часот, во пријатна атмосфера во Паркот Македонија.
Интегративната работилница „Тивки дружби“ која ќе се одржи на 13 јуни 2025г. од 18 до 20 часот, во ресторанот „Амигос Железничка“ нуди уникатно искуство за истражување на невербалната комуникација и развивање на чувствителност преку допир. Учесниците ќе имаат можност преку креативни активности да ги унапредат своите вештини за невербална комуникација и перцепција, како и да ги усовршат своите социјални вештини и преку забава да создадат нови пријателства.
На 14 јуни, од 10 до 11 часот во Парк Македонија, Академија Рекреатива ќе ве води низ едночасовна сесија исполнета со латино ритами и позитивна енергија. Оваа активност е наменета за сите возрасти и способности, а целта е да го раздвижиме телото, да го подигнеме расположението и да го започнеме денот со музика и позитивни вибрации.
Не е потребно претходно танцово искуство – само желба за танцување и позитивна енергија!
Подгответе се за ден исполнет со позитивни вибрации, ритам и радост!
inFusion Базар – Активизам и култура ќе се одржува од 12 до 14 јуни 2025 година, во Паркот Македонија (Општина Кисела Вода) и има за цел да обедини креативци од заедницата на лица со попреченост, општествено одговорни организации и локални бизниси. Посетителите ќе имаат можност да уживаат во промоција на уникатни рачни изработки, уметнички дела, органски производи и инспиративни иницијативи. Дводневниот базар ќе понуди широка платформа на култура, активизам и автентично изразување, поттикнувајќи креативно изразување во насока на позитивни општествени промени.
Викенд.
Омилена книга, музика и кафе со пријателите во сенките на Парк Македонија.
На 14 јуни, од 10 до 18 часот, inFusion Фестивалот ви дава можност да дојдете на одлична дружба во пријатна атмосфера. Да уживаме во викендот со позитивни вибрации, заедно.
На 14 јуни, од 10:00 до 23:00 часот, ЦЕЛОДНЕВЕН ПИКНИК за друштвени игри во зелената и пријатна атмосфера на Паркот Македонија.
Време за одмор, релаксација и квалитетно дружење со блиските и пријателите. Донесете ги вашите омилени друштвени игри, прострете ќебе на тревата и уживајте во позитивна атмосфера. За оние што сакаат да пробаат нешто ново – во паркот ќе можете да се запознаете со уникатни и креативни игри од локални производители.
