КРЕИРАЈ И ИГРАЈ: Вклучи се во необично искуство за игри и поттикнување на креативност
Дизајнирај ја својата сопствена TTRPG (игра со улоги) со Print n Play и Deno Games, играј Dungeons & Dragons со Zandana, или вклучи се во сите активности на 14 јуни од 11 до 18 часот, во Парк Македонија!
inFusion Базар – Вибрациите на музиката и гејминг културата ќе се одржи на 14 јуни 2025 година во Парк Македонија, како вистинска фузија на модерната технологија, музичката експресија и младинската енергија. Посетителите ќе имаат можност да се запознаат со иновативни гејминг производи, презентирани од локални гејминг компании, да испробаат нови игри, како и да поразговараат со креаторите на истите. Истовремено, во рамки на базарот, млади артисти, бендови и музичари ќе имаат можност пред посетителите да го промовираат своето творештво, обединувајќи ги различните генерации преку универзалниот јазик на музиката.
Дел од потребите на лицата со попреченост се универзални, но некои се специфични бидејќи секој има своја, уникатна приказна и состојба.
Како да се разбере секој, додека се помага на сите?
Колку е важно пристапот да е индивидуален за да е ефикасен? Колку можат да направат служба по служба, институција по институција, наставник по наставник, лекар по лекар, а колку сите заедно?
На 14 јуни од 17 часот, во Паркот Македонија, ќе ги отвориме овие значајни теми и ќе развиеме конструктивна дискусија.
На 14 јуни 2025г. во Паркот Македонија, со почеток во 18 часот - Панел-дискусија која инспирира и мотивира!
Како се гради кариера што трае? Како да останеш автентичен, а сепак да ја освоиш сцената? Што е поважно – талентот, мрежата на познаници или упорноста?
На овие и многу други прашања ќе одговори Петар Младеновски – фронтмен на легендарниот македонски бенд Суперхикс, човек со богато искуство, бројни настапи во земјава и странство, и автентична приказна за успеси, падови и љубов кон музиката.
На 14 јуни со почеток во 19:30 часот, во прекрасната природа на Паркот Македонија ја отпочнуваме забавата! Богата музичка програма – уникатно искуство за сите посетители, исполнето со младинкска енергија,…
Последниот inFusion фестивалски ден ќе започне со освестување на телото и умот преку јога и медитација на отворено. Сите посетители, на 15 јуни, од 10 до 11:30 часот во Парк Македонија ќе можат да се приклучат на оваа активност и да го започнат денот со енергија и во мир.
На 15 јуни ќе биде одржан тематскиот inFusion Базар за сите - активизам, култура и гејминг кој ќе ги спои елементите на културата, гејмингот и општествената одговорност во единствено живописно искуство. Овој базар ќе понуди мултидимензионален простор во рамки на кој посетителите ќе можат да истражат штандови со уметнички ракотворби, иницијативи на општествено одговорни организации и локални компании со органски производи, како и да навлезат во светот на гејмингот и да уживаат во презентациите на иновативни игри и гејминг производи од локални произведувачи.
КРЕИРАЈ И ИГРАЈ: Вклучи се во необично искуство за игри и поттикнување на креативност
Дизајнирај ја својата сопствена TTRPG (игра со улоги) со Print n Play и Deno Games, играј Dungeons & Dragons со Zandana, или вклучи се во сите активности на 15 јуни од 11 до 19 часот, во Парк Македонија!
На 15 јуни, од 11:00 до 19:00 часот, пикник за друштвени игри во зелената и пријатна атмосфера на Паркот Македонија.
Време за одмор, релаксација и квалитетно дружење со блиските и пријателите. Донесете ги вашите омилени друштвени игри, прострете ќебе на тревата и уживајте во позитивна атмосфера. За оние што сакаат да пробаат нешто ново – во паркот ќе можете да се запознаете со уникатни и креативни игри од локални производители.
На 15 јуни 2025г. во Парк Македонија (Општина Кисела Вода) во периодот од 13 до 15 часот, посетителите на inFusion - 4. Фестивал на инклузија ќе имаат можност да учествуваат во разновидна програма која ќе поттикне соработка, забава и вмрежување, преку создавње на пријатна и позитивна атмосфера за сите.
Во паркот Македонија, на 15 јуни од 17 часот, заедно ќе придонесеме кон креирање на потенцијални решенија во насока на одоговри на прашањата:
Дали пристапност „колку-толку“ е пристапност во целина?
Што му значи на едно лице во количка рампата пред влезот на зградата, ако во неа нема лифт?
Што му значи на едно слепо лице звучната сигнализација од семафорот, ако низ градот нема тактилни патеки по кои би можел сигурно да се движи.
Колку архитектите и службите за урбанизам и просторно планирање ги имаат на ум потребите на лицата со попреченост, додека урбанистички се менува лицето на градот?
