Родителите на лица со попреченост 24/7 се во мисија да надминуваат архитетонски, психолошки, бирократски бариери. И дома, и на улица и во институциите.

Како ги надминуваат и какви решенија наоѓаат сами за да решат проблем за чие решение инаку би требало да се грижат институциите или системот?
Одговорите ќе ги побараме на 13 јуни од 17 часот, во пријатна атмосфера во Паркот Македонија.

Интегративната работилница „Тивки дружби“ која ќе се одржи на 13 јуни 2025г. од 18 до 20 часот, во ресторанот „Амигос Железничка“ нуди уникатно искуство за истражување на невербалната комуникација и развивање на чувствителност преку допир. Учесниците ќе имаат можност преку креативни активности да ги унапредат своите вештини за невербална комуникација и перцепција, како и да ги усовршат своите социјални вештини и преку забава да создадат нови пријателства.

inFusion Базар – Активизам и култура ќе се одржува од 12 до 14 јуни 2025 година, во Паркот Македонија (Општина Кисела Вода) и има за цел да обедини креативци од заедницата на лица со попреченост, општествено одговорни организации и локални бизниси. Посетителите ќе имаат можност да уживаат во промоција на уникатни рачни изработки, уметнички дела, органски производи и инспиративни иницијативи. Дводневниот базар ќе понуди широка платформа на култура, активизам и автентично изразување, поттикнувајќи креативно изразување во насока на позитивни општествени промени.

КРЕИРАЈ И ИГРАЈ: Вклучи се во необично искуство за игри и поттикнување на креативност

Дизајнирај ја својата сопствена TTRPG (игра со улоги) со Print n Play и Deno Games, играј Dungeons & Dragons со Zandana, или вклучи се во сите активности на 14 јуни од 11 до 18 часот, во Парк Македонија!

inFusion Базар – Вибрациите на музиката и гејминг културата ќе се одржи на 14 јуни 2025 година во Парк Македонија, како вистинска фузија на модерната технологија, музичката експресија и младинската енергија. Посетителите ќе имаат можност да се запознаат со иновативни гејминг производи, презентирани од локални гејминг компании, да испробаат нови игри, како и да поразговараат со креаторите на истите. Истовремено, во рамки на базарот, млади артисти, бендови и музичари ќе имаат можност пред посетителите да го промовираат своето творештво, обединувајќи ги различните генерации преку универзалниот јазик на музиката.

Дел од потребите на лицата со попреченост се универзални, но некои се специфични бидејќи секој има своја, уникатна приказна и состојба.

Како да се разбере секој, додека се помага на сите?

Колку е важно пристапот да е индивидуален за да е ефикасен? Колку можат да направат служба по служба, институција по институција, наставник по наставник, лекар по лекар, а колку сите заедно?
На 14 јуни од 17 часот, во Паркот Македонија, ќе ги отвориме овие значајни теми и ќе развиеме конструктивна дискусија.

На 15 јуни ќе биде одржан тематскиот inFusion Базар за сите - активизам, култура и гејминг кој ќе ги спои елементите на културата, гејмингот и општествената одговорност во единствено живописно искуство. Овој базар ќе понуди мултидимензионален простор во рамки на кој посетителите ќе можат да истражат штандови со уметнички ракотворби, иницијативи на општествено одговорни организации и локални компании со органски производи, како и да навлезат во светот на гејмингот и да уживаат во презентациите на иновативни игри и гејминг производи од локални произведувачи.

КРЕИРАЈ И ИГРАЈ: Вклучи се во необично искуство за игри и поттикнување на креативност

Дизајнирај ја својата сопствена TTRPG (игра со улоги) со Print n Play и Deno Games, играј Dungeons & Dragons со Zandana, или вклучи се во сите активности на 15 јуни од 11 до 19 часот, во Парк Македонија!

РАБОТИЛНИЦА ЗА КРЕАТИВНО ВЕЗЕЊЕ И ШИЕЊЕ

Креативна работилница за везење и шиење, во интегративна група со лица со и без попреченост, можност за тимско и креативно изразување, рачни изработки со можност да ги понесете дома, простор за забава и создавање на нови пријателства.

На 4 јуни во ДСУРЦ „Партенија Зографски“.

Ментор: Љубиша Савески

„Искуси уметност“ е иницијатива спроведувана во соработка со Музејот на современата уметност. На 05 јуни, со почеток од 13:00 часот, водени тури низ музејските поставки за сите љубители на уметноста - искуство кое ќе овозможи уживање во уметноста и на лица со оштетен слух, поддржани од толкувач на знаковен јазик, како и за лица со оштетен вид и лица со физичка попреченост.

На 15 јуни ќе биде одржан тематскиот inFusion Базар за сите - активизам, култура и гејминг кој ќе ги спои елементите на културата, гејмингот и општествената одговорност во единствено живописно искуство. Овој базар ќе понуди мултидимензионален простор во рамки на кој посетителите ќе можат да истражат штандови со уметнички ракотворби, иницијативи на општествено одговорни организации и локални компании со органски производи, како и да навлезат во светот на гејмингот и да уживаат во презентациите на иновативни игри и гејминг производи од локални произведувачи.

Интегративната работилница „Тивки дружби“ која ќе се одржи на 13 јуни 2026г. од 11 до 12:30 часот, во просторот до Летна сцена „Лепеза“ нуди уникатно искуство за истражување на невербалната комуникација и развивање на чувствителност преку допир. Учесниците ќе имаат можност преку креативни активности да ги унапредат своите вештини за невербална комуникација и перцепција, како и да ги усовршат своите социјални вештини и преку забава да создадат нови пријателства.