На 6 јуни, почнувајќи од Владата, потоа проашајќи пред администрацијата на Град Скопје, се до Летна сцена Лепеза чекориме за поддршка на лицата со попреченост, зa слободни тротоари и патеки, за пристапни јавни површини и средина на живеење која е пријатна за сите!

„Искуси уметност“ е иницијатива спроведувана во соработка со Музејот на современата уметност. На 05 јуни, со почеток од 13:00 часот, водени тури низ музејските поставки за сите љубители на уметноста - искуство кое ќе овозможи уживање во уметноста и на лица со оштетен слух, поддржани од толкувач на знаковен јазик, како и за лица со оштетен вид и лица со физичка попреченост.

Соединување, поврзување, ФУЗИЈА.
Овие поими ќе ги спојат младите уметници кои ќе ги разменат своите идеи, чувства и перспективи преку јазикот на визуелната уметност, во рамки на „Фузија“ – изложба на млади уметници кои на 13 јуни од 16 часот ќе се обединат во Паркот Македонија со своите идеи и визии преку моќта на соединувањето и фузијата.