настани for Мај 20, 2025 - Јун 14, 2025

На 12 јуни, со почеток во 15:30 часот во Домот на култура „Билјана Беличанец“, најмладите посетители на фестивалот ќе уживаат во интерактивна детска едукативна претстава „Супер вселенко и роденденската торта“, во интерпреација на Театар за Тебе, која на забавен и анимиран начин пренесува силна порака за прифаќање на различностите.

На 12 јуни 2025 година, во рамки на inFusion PERFORM денот, пријателите од Дневниот центар Доза среќа ќе ја изведат театарската претстава на знаковен јазик „Ѕуница“. Претставата комбинирајќи говор и знаковен јазик, ќе креира едно интегративно театарско искуство за најмладите.

Ликовите Бојана, Мендо, Зајче и Птичка преку приказната за слогата ќе ни пренесат порака за значењето на вистинското пријателство, различностите, разбирањето и заедништвото.

Поезија креирана од млади лица, кои низ менторство на Клубот на оратори, под водство на Марија Додовска, ќе создадат сопствена поезија, а потоа ќе бидат менторирани да одржат ораторска интерпретација на истите на 12 јуни од 18 часот, во Паркот Македонија (Општина Кисела Вода) како дел од inFusion - 4. Фестивал на инклузија.

На 12.06.2025г. во нашата база - Паркот Македонија од 19:30 часот ќе прославиме со свечено отворање, како и секоја година - во духот на заедништвото, искрената љубов и позитивна енергија и инклузијата.
Придружете ни се во мисијата за ширење љубов. 

Да ги урнеме бариерите, да менуваме, создаваме и инспирираме!

Изложбата на 100 детски цртежи на тема „Ги сакам сите животни“ креирани од ученици од 10 основни училишта од Општините - Аеродром, Кисела Вода и Центар. Од 13 јуни 2025г. од 13 часот, ќе можете да ги погледнете сите цртежи кои ќе го разубавуваат Паркот Македонија.

„Искуси уметност“ е иницијатива спроведувана во соработка со Музејот на современата уметност. На 13 јуни, со почеток од 13:00 часот, водени тури низ музејските поставки за сите љубители на уметноста - искуство кое ќе овозможи уживање во уметноста и на лица со оштетен слух, поддржани од толкувач на знаковен јазик, како и за лица со оштетен вид и лица со физичка попреченост.

inFusion Базар – Активизам и култура ќе се одржува од 12 до 14 јуни 2025 година, во Паркот Македонија (Општина Кисела Вода) и има за цел да обедини креативци од заедницата на лица со попреченост, општествено одговорни организации и локални бизниси. Посетителите ќе имаат можност да уживаат во промоција на уникатни рачни изработки, уметнички дела, органски производи и инспиративни иницијативи. Дводневниот базар ќе понуди широка платформа на култура, активизам и автентично изразување, поттикнувајќи креативно изразување во насока на позитивни општествени промени.

Преку креативната и интегративна работилница „Шарена чајанка“ која ќе се одржи на 13 јуни од 14:00 часот, децата и младите од 10 до 18 години ќе имаат можност заедно да цртаат и украсуваат посатки и да го разбудат својот уметнички дух. Работилницата поттикнува соработка меѓу млади со и без попреченост, создавајќи инклузивен простор за дружење, размена на идеи и нови пријателства низ прекрасната природа на Паркот Македонија.

Соединување, поврзување, ФУЗИЈА.
Овие поими ќе ги спојат младите уметници кои ќе ги разменат своите идеи, чувства и перспективи преку јазикот на визуелната уметност, во рамки на „Фузија“ – изложба на млади уметници кои на 13 јуни од 16 часот ќе се обединат во Паркот Македонија со своите идеи и визии преку моќта на соединувањето и фузијата.

Здружението Икуалити, во соработка со платформата Допирна точка ќе им пружат можност на учесниците, водени од искусни ментори, да создадат заеднички мурал кој ќе претставува симбол на заедништвото. На 13 јуни во Паркот Македонија (Општина Кисела Вода), од 17 до 19 часот, работејќи во интегративна група, младите со и без попречеост ќе имаат можност преку заедничко творење да ги развијат своите способности за креативно изразување.

Родителите на лица со попреченост 24/7 се во мисија да надминуваат архитетонски, психолошки, бирократски бариери. И дома, и на улица и во институциите.

Како ги надминуваат и какви решенија наоѓаат сами за да решат проблем за чие решение инаку би требало да се грижат институциите или системот?
Одговорите ќе ги побараме на 13 јуни од 17 часот, во пријатна атмосфера во Паркот Македонија.

Интегративната работилница „Тивки дружби“ која ќе се одржи на 13 јуни 2025г. од 18 до 20 часот, во ресторанот „Амигос Железничка“ нуди уникатно искуство за истражување на невербалната комуникација и развивање на чувствителност преку допир. Учесниците ќе имаат можност преку креативни активности да ги унапредат своите вештини за невербална комуникација и перцепција, како и да ги усовршат своите социјални вештини и преку забава да создадат нови пријателства.