На 12.06.2025г. во нашата база - Паркот Македонија од 19:30 часот ќе прославиме со свечено отворање, како и секоја година - во духот на заедништвото, искрената љубов и позитивна енергија и инклузијата.
Придружете ни се во мисијата за ширење љубов.
Да ги урнеме бариерите, да менуваме, создаваме и инспирираме!
Последниот inFusion фестивалски ден ќе започне со освестување на телото и умот преку јога и медитација на отворено. Сите посетители, на 15 јуни, од 10 до 11:30 часот во Парк Македонија ќе можат да се приклучат на оваа активност и да го започнат денот со енергија и во мир.
На 13 јуни ќе биде одржан тематскиот inFusion Базар кој ќе содад уникатно, единствено живописно искуство. Овој базар ќе понуди мултидимензионален простор во рамки на кој посетителите ќе можат да истражат штандови со уметнички ракотворби, иницијативи на општествено одговорни организации и локални компании со органски производи.
Интегративната работилница „Тивки дружби“ која ќе се одржи на 13 јуни 2026г. од 11 до 12:30 часот, во просторот до Летна сцена „Лепеза“ нуди уникатно искуство за истражување на невербалната комуникација и развивање на чувствителност преку допир. Учесниците ќе имаат можност преку креативни активности да ги унапредат своите вештини за невербална комуникација и перцепција, како и да ги усовршат своите социјални вештини и преку забава да создадат нови пријателства.
Работилницата „Погледни со моите очи“, која ќе се одржи на 13 јуни 2026г. од 12 до 14:00 часот, кај Летната сцена - Лепеза во Градски Парк, ќе има за цел да пружа сетилно искуство преку проекција на различни нарушувања на видот, и тоа работилница за брајова азбука и презентација на паметен стап, брајов ред и говорни програми и вежби со стапче и врзани очи.
Работилницата „Чувствувај во боја“ ќе се одржи на 13 јуни 2026г. од 17:00 до 20:00 часот, пред платото на Летната сцена - Лепеза во Градски Парк. Водена од колективот Тео и Марко, кои ќе не водат низ креативен процес за создавање на уметност во живо за за едно да чувствуваме во боја.
На 13.06.2026г. во нашата база - Летна сцена Лепеза, од 19:00 часот, во духот на заедништвото, искрената љубов и позитивна енергија и инклузијата, ќе врачиме 6 награди „Шампони на инклузијата“ за 2025 година во 6 категории. Придружете ни се во мисијата за ширење љубов.
Да ги урнеме бариерите, да менуваме, создаваме и инспирираме!
