На 6 јуни, почнувајќи од Владата, потоа проашајќи пред администрацијата на Град Скопје, се до Летна сцена Лепеза чекориме за поддршка на лицата со попреченост, зa слободни тротоари и патеки, за пристапни јавни површини и средина на живеење која е пријатна за сите!

Дел од потребите на лицата со попреченост се универзални, но некои се специфични бидејќи секој има своја, уникатна приказна и состојба.

Како да се разбере секој, додека се помага на сите?

Колку е важно пристапот да е индивидуален за да е ефикасен? Колку можат да направат служба по служба, институција по институција, наставник по наставник, лекар по лекар, а колку сите заедно?
На 14 јуни од 17 часот, во Паркот Македонија, ќе ги отвориме овие значајни теми и ќе развиеме конструктивна дискусија.

Родителите на лица со попреченост 24/7 се во мисија да надминуваат архитетонски, психолошки, бирократски бариери. И дома, и на улица и во институциите.

Како ги надминуваат и какви решенија наоѓаат сами за да решат проблем за чие решение инаку би требало да се грижат институциите или системот?
Одговорите ќе ги побараме на 13 јуни од 17 часот, во пријатна атмосфера во Паркот Македонија.