ТАНЦОВ ПЕРФОРМАНС „SKIN”

Уникатниот танцов перформанс со кој австралиско-германското дуо SKIN го освојува светот, ќе го види и Македонија, на inFusion – 4. Фестивал на инклузија.

Изведбата на Роланд Валтер, танчар со спастична парализа на целото тело и Рене Шадлер, танчарка и кореографка без попреченост, создава свој универзум во кој нивните две различни тела можат да се приближат едно до друго. Овој интимен дует ги надминува физичките граници на изведувачите и наоѓа заеднички јазик на движење.

Секое тело има свој идентитет кога станува збор за кожата. Текстурата на кожата постојано се менува и трансформира преку контакт со другите. SKIN истражува нови начини на меѓусебно поврзување, продлабочувајќи ја нашата способност да се движиме помеѓу различни видови искуства и физички го прикажува начинот на кој нашата околина нè обликува и е обликувана од нас.

Овој настан е најава за 5 возбудливи, интригантни и незаборавни фестивалски денови.

Концепт, Изведба: Рене Шадлер, Роланд Валтер (Renae Shadler, Roland Walter)
Уметнички директор, Кореограф: Рене Шадлер (Renae Shadler)
Дизајн на звук: Самуел Херц (Samuel Hertz)
Сценографија и костимографија: Јудит Ферстер (Judith Förster)
Дизајн на светло: Емеше Чорнаи (Emese Csornai)
Техничар за светло: Ји-Џу Чу (Yi-Ju Chou)
Креативен асистент: Мирјам Зегнер (Mirjam Sögner)
Продукција: ерлихе арбајт – канцеларија за култура на фриленсери (ehrliche arbeit – freelance office for culture)
Дистрибуција: Дерте Волтер (Dörte Wolter)
Администрација и тур менаџмент на Perform Europe: Ранија Маврики (Rania Mavriki)

Оваа презентација се одржува со поддршка на Perform Europe како дел од проектот „Танцување со ексцес“.

Perform Europe, поддржан од Европската унија, е финансиска програма наменета за европскиот сектор на изведувачки уметности. Таа овозможува меѓународно поврзување и поддржува инклузивни, разновидни и еколошки одржливи турнејски проекти низ 40-те земји учеснички во програмата Креативна Европа. Perform Europe става акцент на практики втемелени во одржливост и инклузивност, со цел трансформирање на секторот на изведувачки уметности и обезбедување рамномерна дистрибуција низ континентот.

Perform Europe е кофинансиран од програмата Креативна Европа на Европската унија и се спроведува од страна на конзорциум од шест организации: IETM – Меѓународна мрежа за современи изведувачки уметности, Европска асоцијација на фестивали (EFA), Circostrada, Европска мрежа за развој на танцот, Pearle – Живи изведби Европа и IDEA Consult.

Пристапност: