ДЕТСКА ИНТЕРАКТИВНА ПРЕТСТАВА „СУПЕР ВСЕЛЕНКО И РОДЕНДЕНСКАТА ТОРТА”

На 12 јуни, со почеток во 15:30 часот во Домот на култура „Билјана Беличанец“, најмладите посетители на фестивалот ќе уживаат во интерактивна детска едукативна претстава „Супер вселенко и роденденската торта“, во интерпреација на Театар за Тебе, која на забавен и анимиран начин пренесува силна порака за прифаќање на различностите.

Во магичната шума, животните се однесуваат како луѓе, а дејството ја следи приказната на Еленко, голем бизнисмен со срце, кој создава роденденски торти и новогодишни елки за сите деца. Но, опасниот вирус мрза го остава без вработени, загрозувајќи ја радоста на децата. Кога се чини дека сè е изгубено, се појавуваат храбрите и љубопитни Вселенковци, кои сакаат да помогнат – и така започнува авантурата исполнета со хумор, вредности и анимации што ја вклучуваат и самата публика во претставата.

Во работата ги попречува Гавранот – симбол на предизвиците и пречките, но токму преку овие моменти, децата ќе научат за пријателството, различностите и важноста на соработката.

Оваа активност претставува дел од пошироката мисија на inFusion – да креира културни содржини кои промовираат еднаквост, разбирање и инклузија уште од најрана возраст.

12.06.2025г. | 15:30 – 16:30

Дом на култура „Билјана Беличанец“, Општина Кисела Вода

Пристапност: