П О В И Ц И
Имаш дилеми...?
Парк Македонија... Каде се наоѓа тоа?
Зборовите се излишни, клик за Парк Македонија и останатите 4 фестивалски локации: Инфјужн МАПА
Пијачки и храна си носиме или...?
Иако не забрануваме посета со сопствени пијачки и храна, сепак секој купен производ на фестивалскиот Базар и во Кантината е поддршка и за нас како фестивал. Значи, пијачки ќе има, за храна може да преговараме 😄
Дали се плаќа влез на фестивалските настани?
Не, не се наплаќа влез и учество. Добредојден е секој. Единствено што треба да направиш е да пронајдеш во делот Повици или Настани што те интересира и да го пријавиш своето учество, на пр. за учество во работилниците. Додека за некои настани, како музичките концерти на 14 јуни, не е потребно да се пријавува учество.
Дали фестивалот е погоден за лица со различни способности?
Фестивалот Инфјужн промовира високи стандарди за учество на сите лица, независно од нивната способност. Сите фестивалски настани се со приспособен физички пристап, дури и за лица кои се со попречености или се движат со помагала или инвалидска количка. Во делот Настани, секоја активност содржи категорија „Пристапност“, каде ќе добиеш информации за приспособеноста на локацијата, за содржините толкувани на знаковен јазик и соодветно ќе го испланираш своето учество.
Дали фестивалот прима гости со мустаќи - миленичиња?
Самиот факт дека официјалниот плакат ни е со маче-волшебниче кажува многу за нашиот пристап кон животинчињата. Се трудиме да овозможиме пристап на миленичињата на сите настани, но оваа година тоа не е возможно 100%. Секако, паркот – нашата база, едвај чека да ги запознае миленичињата, и секако нивните придружници! 🐈🐶
ИЗЈАВИ
Воспитајте го своето дете наместо да се гледа со озарени очи на лицата кои се различни од нив, напротив да прегрне, да сака безусловно и да го прифати секој еден кој е различен од него како да е ист, односно како да е свој, како својот брат, како своите родители.
Јас сум многу среќна да гледам како сме сите заедно тука собрани и се надевам дека фестивали како овој ќе има се повеќе и ќе продолжи да се случува секоја година како доказ дека различностите не треба да не делат, баш напротив да не спојат сите заедно.
Единствено нешто што општеството го движи напред е позитивната енергија и позитивната промена, меѓутоа таа позитивна промена мора да дојде од секој еден од нас. Сите поедино да ја менуваат својата средината, својот микрокосмос и од таму да создадеме многу поотворено и подобро општество.
Сакам најпрво од срце да им се заблагодарам за хуманитарната мисија, за нивната искрена љубов кон лицата со попреченост и за тоа што несебично придонесуваат сите да имаат еднакви можности. Продолжете со оваа работа, а мојата поддршка ќе ја имате засекогаш.
Ми беше огромна чест што учествував во оваа дружба минатата година и се надевам дека оваа година ќе биде уште подобро.
Замислете место со вклучена инклузија, многу љубов, шарени бои, музика за сите генерации и активности за најмладите. Токму тоа, за мене е Фестивалот на инклузија.
Иако не настапувам за прв пат пред оваа публика, сепак чувството е секогаш исто. Искрениот пристап, искрените очиња полни со сјај будат чувство на мир, спокој и слобода што заокружува љубов со големо Љ.
Инклузијата во нашето општество е едно поглавје кое што допрва се отвара, допрва им придава на значење на човековите права. Со оглед на тоа што имам четири годишна ќерка би сакала да разбере дека сите сме шарени, но сите сме исти на крајот на денот.
